Shefja e misionit që udhëheq grupin e vëzhguesve të OSBE/ODHIR, Audrey Glover, sapo ka nisur një takim me kreun e Partisë demokratike, Lulzim Bashën në selinë e PD-së.
Ky takim vjen një ditë pas protestës së 10 kombëtare të thirrur nga opozita e bashkuar e cila ishte totalisht paqësore dhe që zgjati rreth 2 orë.
Nga ana tjetër, është një takim që vjen në kuadrin e zgjedhjeve të 30 Qershorit, të cilat opozita i bojkotoi në unison dhe pas zhvillimit të tyre i ka konsideruar si të pavlefshme dhe anti-kushtetuese.
Ndërkohë, kur ende nuk ka dalë një raport përfundimtar nga vëzhguesit ndërkombëtar të zgjedhjeve, në këtë takim pritet të diskutohet edhe mbi problematikat që ka evidentuar opozita në këtë proces që kanë të bëjnë me parregullsitë, kleçkat kushtetuese dhe ligjore si dhe njëanshmërinë e tyre.
(F.GJ/FAXWEB.AL)
Discussion about this post