Ivana Knoll u bë e njohur në mbarë botën në Rusi 2018, aty ku Miss Kroacia e vitit 2016 zbarkoi për të mbështetur kombëtaren e saj, që e vijoi rrugëtimin deri në finale.
26-vjeçarja tërhoqi vëmendjen e të gjitha medieve botërore me pamjen e saj dhe veshjet provokuese që mbajti gjatë Botërorit, duke u vënë në qendër të vëmendjes për shkak të bukurisë dhe formave të saj.
E kompletuar në çdo detaj Ivana u bë imazhi i Kroacisë dhe tani bukuroshja po e shfrytëzon këtë fakt për të bërë biznes.
Ajo ka publikuar së fundi linjën e re të saj të rrobave të banjës, që janë me sfond të flamurit kroat. Ka qenë vetë kroatja që e ka lançuar këtë fushatë në rrjetet sociale, duke publikuar disa foto të saj me bikinit e reja të dala në treg.
