Në mbledhjen e sotme të kryesisë në PS është vendosur që mbledhja e Asamblesë së kësaj force politike, të bëhet të hënën e javës së ardhshme.
Në këtë asamble do të diskutohet lidhur me votat e 30 Qershorit, dhe për të parë defekte të mundshme që mund të ketë pasur mbështetja e PS-së.
Do të bëhet një analizë e plotë e të gjitha qarqeve të vendit, në mënyrë që të punohet më shumë, atje ku mbështetja ka ardhur në rënie, në raport me vitet e mëparshme.
Këtë e paralajmëroi kryeministri Rama menjëherë pas zgjedhjeve, kur tha se ishte koha për një debat të brendshëm dhe të jashtëm në PS.
Kjo verë nuk do të jetë aspak e qetë për socialistët, të cilët pritet që në muajin Shtator, të bëjnë edhe ndryshime në qeveri, ku janë përfolur dhe emrat që përfliten të largohen, mes tyre dhe ai i Pandeli Majkos.
Nga ana tjetër as demokratët nuk do të bëjnë pushim këtë muaj të nxehtë Korriku, pasi Lulzim Basha do të nisë nbjë tur takimesh në rrethe, për të mbajtur gjallë aksionin opozitar.
(E.K/Faxweb.al)
Discussion about this post