Kryeministri Edi Rama ka pasur një komunikim me gazetarët pas daljes nga mbledhja e Kryesisë së PS-së, ku u caktua dhe mbledhja e ardhshme e Asamblesë së kësaj force politike në 22 Korrik.
“Unë nuk kisha ndërmend të flisja, po meqë po rrini këtu në diell… “, iu drejtua Rama gazetarëve.
Rama u shpreh se në mbledhjen e Kryesisë u diskutuan rezultatet e PS-së në çdo qark, dhe tha se asnjë grua dhe vajzë që punon në administratë nuk do të largohet nga Bashkitë e djathta.
“Kemi bërë një diskutim në të gjithë pasqyrën e 30 Qershorit, kemi parë me detaje çdo qark, në mbledhjen e Asamblesë do të flasim për çka është bërë, dhe atë që do të bëhet. Kemi hapur një diskutim për ta çuar më tej diskutimin në PS, për të pasur marrëdhënie më të hapura dhe më efektive në çdo komunitet.
Nuk do të shfaqet asnjë tendendë prej pushtuesit në bashkitë që derimë parë janë qeverisur nga të djathtët, nuk do të preket asnjë grua dhe vajzë që figuron në administratë, dhe do të ketë transparencë maksimale për të gjitha lëvizjet që do të jenë të nevojshme, në funksion të meritës, dhe jo larg qoftë të ndonjë”, u shpreh Rama.
Ndërkohë që kryeministri ka folur dhe për zërat për ndryshime në qeveri, ku tha se këto janë fantazi që burojnë nga temperatura të larta.
“Nuk ka ndryshime në qeveri, janë fantazi që burojnë nga temperaturat e larta. Nuk kam deklaruar që do të ketë ndryshime, kam thënë që ka një sërë detyrash që duhen bërë, dhe nëse janë plotësuar ska asnjë nevojë për ndryshime”, deklaroi kryeministri.
(E.K/Faxweb.al)
Discussion about this post