Pas dorëheqjes së parevokueshme të kryeministrit Ramush Haradinaj, ka ardhur dhe reagimi i Presidentit të Kosovës Hashim Thaçi.
Nëpërmjet nj statusi në Facebook, Thaçi shkruan se e gjithë kjo ishte e papritur por ai do të sigurohet që te marrë të gjitha veprimet e nevojshme kushtetuese.
Ndërkaq ai siguronë të gjithë qytetarët që lirinë dhe luftën e UÇK-së nuk mundt kush t’i prek.
Postim i Thaçit në Facebook:
Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së. Nga mediat tani u informova edhe për vendimin e Kryeministrit të Republikës së Kosovës, Ramush Haradinaj, për dorëheqjen e parevokueshme nga pozita e tij. Unë e respektoj vendimin e tij dhe si President i Republikës së Kosovës ju siguroj se do të veprojë bazuar në kompetencat e mia kushtetuese dhe ligjore, për të cilat qytetarët e Kosovës do të njoftohen me kohë. Unë besoj në pastërtinë e luftës së Ushtrisë Çlirimtare të Kosovës dhe besoj në vlerat e larta morale të ushtarëve të lirisë. As vlerat e lirisë sonë dhe as luftën e UÇK-së nuk mund ta cenojë askush! HTH
Discussion about this post