Elseid Hysaj nuk do të qëndrojë më tek Napoli. Kështu ka pohuar edhe menaxheri i shkodranit, i cili tashmë është në kërkim të një aventure të re. Pasi dështoi tek kalimi në La Liga tek Atletiko Madrid, Hysaj ka dy mundësi transferimi deri tani, Tottenham dhe Roma.
Sipas “La Gazzetta dello Sport”, pista më konkrete mbetet Roma. Trajneri i ri i Romës ka vendosur që Florencin ta kalojë përpara ç’ka bën që krahu i djathtë i mbrojtjes të jetë bosh.
Në këtë pikë, Hysaj është kthyer në një emër fiks, një lojtarë i cili di të mbroj me fantaizëm, por që nuk është nga më të mirët për të dalë me topin përpara, por atë rol do ta mbuloj Florenzi.
Pengesë për një transferim të tillë mbetet kërkesa e Napolit, 20 milion euro, një shumë e madhe për Romën. Drejtori Sportiv i verdhekuqve, Petrachi, po punon mbi këtë temë, për të gjetur formulën e duhur për transferimin e mbrojtësit kuqezi në kryeqytetin italian.
Discussion about this post