Një aksident i rëndë ka ndodhur para pak minutash në aksin rrugor Korçë-Kapshticë, ku si pasojë e daljes nga rruga të një mjeti 3 persona kanë mbetur të plagosur.
Sipas policisë një automjet ka humbur kontrollin duke dalë nga rruga dhe për pasojë janë plagosur drejtuesja e makinës dhe dy vajza që ishin pasagjere.
Të plagosurat janë transportuar në spitalin e Korçës dhe ende nuk ka informacion për gjendjen e tyre shëndetësore.
Policia ndodhet në vendngjarje dhe po punon për zbardhjen e rrethanave të aksidentit, shkak për të cilin dyshohet shpejtësia tej normave të lejuara.
