Ish-portieri i Vllaznisë sërish hero, shpëton një pushuese nga mbytja në Velipojë

Ish-portieri i Vllaznisë Eldi Hasani është kthyer sërish në qendër të mediave sociale, pasi ka shpëtuar një tjetër jetë.

Eldi  Hasani, i cili gjatë verës punon si vrojtues në plazhin e Velipojës, ka shpëtuar nga mbytja një 54-vjeçare, e cila po hastë vështirësi në det.

Pasi ka dalë në breg, 54-vjeçarja ka kaluar një gjendje të fikti, gjë që e ka vështirësuar më shumë gjendjen e saj shendetësore.

Megjithëse siç bëhet e ditur, ambulanca ka mbërritur shpejt dhe 54-vjeçarja është transportuar në spital për ndihmën e specializuar.

Kujtojmë se javën e kaluar, Eldi Hasani shpëtoi një të ri 28-vjeçar, i cili rrezikoi të mbytej në plazhin e Velipojës.