Aktori dhe gazetari Enea Arapi i cili në bashkëpunim me Roza Latin drejtojnë emisionin “Bukë me vete”, është qëlluar dhe kërcënuar mbrëmjen e kaluar me qytën e pistoletës në nofull, teksa po kryente xhirimet për emisionin në Ksamil.
Lidhur me këtë ngjarje, në një lidhje telefonike në RTV Ora ka reaguar për herë të parë aktori i cili ka dhënë më tepër detaje për ngjarjen.
Ai thekson se zotëria që e kishte qëlluar me tytën e pistoletës, i kishte thënë të ngadalësonte makinën, ndërkohë që Enea pohon se ishte duke ecur shumë avash.
“Unë kam qenë duke ecur me një shpejtësi shumë minimale, sepse aty është edhe rruga e prishur, ka edhe litarë në mes që nuk të lejojnë të ecësh shpejt. Aty më del një zotëri përpara dhe më thotë që të ngadalësojë, ishte diku aty me një femër dhe një djalë të ri. Më vjen tek xhami i shoferit dhe me një inat dhe një mllef më thotë “ku shkon, pse ecën kështu?” Ndërkohë unë isha shumë ngadalë. E pyes: “Ore vëlla ku po shkoja? Dhe tentoj të dal nga makina.” Në atë moment më mbyll derën e makinës, nxjerr pistoletën nga çanta dhe më godet në faqe, që e kam akoma shenjë. Unë sa largohem nga ai marr direkt policinë në telefon që të gjeja një zgjidhje. Ai u largua pa të keq në drejtim të pedonales së Ksamilit.”- u shpreh Enea.
Discussion about this post