Ori Nebiaj dhe Estela Ujka kalojnë një moment ‘të sikletshëm’ gjatë intervistës, u kalua me të qeshura

Ori Nebiaj kishte si të ftuar speciale në puntatën e radhës të ‘Pushime On Top’, bloggeren Estela Ujka.

Në një bisedë shumë të këndshme dhe verore me të, nuk munguan as diskutimet për trendet më të reja të modës sidomos për sezonin e plazhit.

Kur foli për to, me shumë sinqeritet Estela u shpreh: “Ju sugjeroj vajzave të reja të veshin ngjyrën e bardhë dhe të zezë, jo fosforeshenten siç kanë bërë vajzat e mia. Nuk i duroj dot ato ngjyra”.

Në atë moment, Ori i tregon veshjen e saj e cila ishte pikërisht fosforeshente. Kaq ka mjaftuar që të nisin të qeshurat dhe në këtë mënyrë u kalua një situatë goxha e sikletshme.

Kujtojmë se ‘Pushime On Top’ do të jetë në transmetim edhe për disa javë. Të ftuarit publikë dhe situatat argëtuese e gazmore me ta nuk do të mungojnë.