“Ju lutem mos më lini vetëm sërish, jam vërtetë e frikësuar.”, këto janë fjalët e fundit të 15-vjeçares rumune, e cila u rrëmbye, dhunua e më pas iu mor jeta nga një 65-vjeçar.E mitura, Alexandra Macesanu, u shpall e zhdukur muajin e kaluar, pasi hipi në një makinë për të shkuar në shtëpi.
Duke përfituar nga naiviteti i vajzës, mekaniku Gheorghe Dinca, e dërgoi atë në shtëpinë e tij në Caracal, 145 kilometra nga Bukureshti. Në një moment, kur rrëmbyesi i saj nuk ndodhej në banesë, 15-vjeçarja arriti të telefononte policinë 3 herë.
Audio dhe transkriptimet e thirrjeve telefonike të Alexandra-s ndaj policisë janë publikuar në faqen e Facebook-ut të dajës së saj.
Disa nga fjalët e saj ishin:
“Ju lutem mos më lini vetëm sërish, jam shumë e frikësuar. Ju lutem ejani sa më shpejt, ai do të kthehet.“, por agjentja e policisë që ishte në recepsion nuk i kushtoi shumë rëndësi telefonatave të vajzës.
Ajo iu përgjigj:
“Nuk mund të merrem me ty, kam telefonata të tjera.”
Nëse telefonata e saj do të merrej seriozisht, policia do të kishte mbërritur brenda pak minutash në vendin ku mbahej e mitura. Për shkak të kësaj neglizhence, 15-vjeçarja u gjet e pajetë nga policia pas 19 orësh.
Ajo u eleminua fizikisht nga rrëmbyesi i saj, për shkak se telefonoi tre herë 112. Ngjarja e rëndë ka shkaktuar zemërim dhe indinjatë në Rumani. Mijëra persona dolën në rrugë për të protestuar kundër qeverisë. Shefi i Policisë, Ioan Buda dhe dy oficerë të tjerë të policisë lokale u detyruan të jepnin dorëheqjen.
Discussion about this post