Një ngjarje e rëndë është shënuar rreth orës 01:15 të mëngjesit tëe sotëm në Kodër Kamëz ku një 68-vjeçar ka shkuar në banesën e 56-vjeçarit me inicialet F.L., duke e ther me thikë.
Mësohet se 56-vjeçari ka mbetur I plagosur rëndë, por ndodhet në spital fatmirësisht jashtë rrezikut për jetën, ndërkohë është bërë edhe arrestimi i J.V, 68-vjeç mbi të cilin rëndon akuza për veprën penale “Plagosja e rëndë me dashje”, dhe “Prodhimi, mbajtja, blerja apo shitja pa leje e armëve të ftohta” .
Sipas Policisë, ngjarja ka ndodhur pas një konflikti për motive të dobëta dhe shton se ndërhyrja në kohë e uniformave blu ka bërë të mundur ndalimin e përshkallëzimit të mëtejshëm të ngjarjes.
Njoftimi i Policisë:
Shërbimet e Komisariatit të Policisë Nr. 3 Tiranë, parandalojnë përshkallëzimin e mëtejshëm të një konflikti për motive të dobëta mes dy shtetasve.
Shërbimet e Policisë, pas njoftimit të marrë se një shtetas kishte shkuar në një banesë në Kodër Kamëz dhe kishte plagosur rëndë me thikë të zotin e banesës menjëherë kanë shkuar në vendngjarje, duke arrestuar në flagrancë për veprën penale “Plagosja e rëndë me dashje”, dhe “Prodhimi, mbajtja, blerja apo shitja pa leje e armëve të ftohta” “shtetasin J. V., 68 vjeç banues në Kodër Kamëz.
Shtetasi J.V, rreth orës 01.15 të mëngjesit kishte shkuar në banesën e shtetasit F.L, 56 vjeç, dhe pas një konflikti për motive të dobëta, e kishte plagosur me mjet prerës (thikë).
Shtetasi F.L, pas ndërhyrjes mjekësore ndodhet jashtë rrezikut për jetën.
Materialet procedurale i kaluan Prokurorisë së Rrethit Gjyqësor Tiranë për veprime të mëtejshme.
(F.GJ/FAXWEB.AL)
Discussion about this post