Pas nënshkrimit të marrëveshjes më banorët e Astirit, e cila përmban disa nga zotimet e opozitës në lidhje me betejën për ndalimin e projektit të “Unazës së Re”, Lulzim Basha deklaroi gjatë fjalës së tij se ishte i lumtur që kjo marrëveshje i paraprin revoltës dhe protestave mbarëkombëtare që do të nisin në Shtator.
“Koha për të dhënë llogari para ligjit dhe popullit po afron, dhe unë kam kënaqësinë qe para nisjes së shtatorit të protestave popullore dhe të dialogut kombëtar dhe të platformës kombëtare të Shqipërisë së gjithë Evropa ta nisim me nënshkrimin e kontratës me banorët e Unazës së Re. Jo fjalë në erë për të vënë në vend drejtësi dhe për të vendosur padrejtësinë, para ligjit që në momentin e parë kur shqiptarët do të na besojnë drejtimin e vendit. Unaza e re jo vetëm nuk u përkul nuk u tremb por qëndroi fort dhe përmes qëndresës zbuloi skandalin”, tha Basha.
Në protestën e sotme, Sekretari i Përgjithshëm i LSI, Endrit Braimllari dhe ish-deputetja Floida Kërpaçi ishin në mbështetje të banorëve të Unazes së Re
“Rama ka ndërtuar një qeveri kriminale dhe të korruptuar. Projekti i Unazes së Re korruptiv. Edi Rama padroni i korrupsionit dhe krimit nëvend. Edi Rama godet qytetarët e varfër dhe mbush xhepat me oligarkët. LSI mbështet banorët e Unazës së Re sepse janë në të drejtën e tyre protesta e tyre sakricë për të mbrojtur pronën e tyre”, deklaroi Braimllari.
https://www.facebook.com/faxweb.al/videos/2939084349498138/
Discussion about this post