Ngjarja e djeshme, ku 5 punëtorë ranë nga skela, teksa po punonin për rikonstrusionin e një fasade pallati në kryeqytet, 2 prej të cilëve ndërruan jetë, ka nxitur reagimin e mbarë opinionit publik, pasi punëtorët po punonin jashtë çdo kushti teknik.
Gazetari Bledi Mane në një shkrim në rrjetet sociale bën thirrje se “veç atyre që vdiqën dje, sot të tjerë punëtorë po vallëzojnë me vdekjen.”
Postimi i plotë
Fotolajm/ ATA VDIQËN DJE, SOT TË TJERË PUNËTORË VALLËZOJNË ME VDEKJEN!
Shkoni dhe zbritini nga skelat e mortjes. Janë punëtorë hallexhinj që punojnë duke rrezikuar jetën pa asnjë kusht minimal teknik dhe sigurie.
Bërtituni e u thoni të lenë punën se jeta e tyre nuk vlen 280 mijë lekë. Shkoni, shkoni mos përtoni. Janë duke suvatuar jo në lagjet periferike të Tiranës por po punojnë në zemër të kryeqytetit. I keni te pjesa e pasme e Ministrisë së Transporteve, 100 metra larg zyrës së kryebashkiak lali Erit dhe 50 metra larg zyrës së ministrit të brendshëm Sandër Lleshi.
Pra hallexhinjtë e këtij vendi punojnë e rrezikojnë jetën edhe për institucionet publike.
Qeveri, lëri pushimet dhe shko zbrit nga skela qytetarët e tu. Çohu nga shezlongët e shtrenjtë o qeveri, luaj bythën dhe shpëto një jetë.
(C)Foto nga gazetarja Beti Njuma
(M.Q/Faxweba.al)
Discussion about this post