Mihal Kokëdhima do të qëndrojë në burg deri në zbardhjen e plotë të ngjarjes e cila tronditi rrjetin me pamjet e tmerrshme të publikuara në media, ku pronari i një resorti në Himarë qëndron i varur për më shumë se 6 minuta në xhamin e makinës së disa turistëve spanjollë teksa mjeti ishte gjatë gjithë kohës në lëvizje.
E gjitha ndodhi pasi turistët ishin të pakënaqur me shërbimin dhe në shenjë protestë kishin tentuar të largoheshin papaguar. Por kjo e ka irrituar pronarin e resortit ku pasi ka vënë re se po largohen u është ngjitur pas. Turistët bashkë me shoferin që i shoqëronte nuk kanë ndaluar ndërsa Kokëdhima është hedhur sipër makinës duke dhuruar edhe disa pamje që nuk na bie rasti ti shohim shpesh nëpër botë, jo më në Shqipëri.
Gjatë seancës së sotme Kokëdhima është shfaqur i qetë, por në videon që do shihni më poshtë, duken edhe plagët që ka marrë në dorën e djathtë për shkak të goditjeve deri në thyerjen e tij të xhamit të parë të mjetit.
Ai është dëgjuar tekse fliste me avokatët e tij dhe u thoshte se as për Bin Ladenin nuk është bërë një bujë aq e madhe, dhe shton se e ka edhe mik kryeministrin Edi Rama.
“As për arrestimin e Bin Ladenit nuk u bë kaq bujë, unë e kam dhe mik kryeministrin”, thënë Kokëdhima teksa avokati i tij i thotë se po foli kryeministri, është urdhër “ai është i plotfuqishmi…”
(F.GJ/FAXWEB.AL)
Discussion about this post