LIVE/ Demokratët ‘marrin’ bashkinë e parë pas zgjedhjeve të 30 qershorit, Ademi pret në zyrë Bardhin dhe dhjetëra qytetarë

Pas gjithë tensioneve që turma e protestuesve pati me policine por dhe me deputetin Tom Doshi duket se tashmë gjërat janë qetësuar.

Tashmë në zyrën e Voltana Ademit, në Bashkinë e Shkodrës ka shkuar Sekretari i Pergjithshëm i Partisë Demokratike, Gazment Bardhi së bashku me dhjetëra qytetarë.

Me futjen në zyrën e kryebashkiakes e Bashkisë së Shkodrës është kërkuar largimi i mediave, ndërkaq që pritet se pas takimit do të ketë një deklaratë për mediat ndoshta nga vetë Ademi apo dhe nga Gazment Bardhi.

Duhet thënë se Bashkia e Shkodrës është bashkia e parë që demokratët ‘kane vënë këmbë’ pas zgjedhjeve te 30 qershorit ku mori pjesë vetëm PS me aleatët e saj.

Sot në ambientet e bibliotekes së Universitetit ‘Luigj Gurakuqi”, u konstitua Këshilli Bashkiak, ku kryetare u zgjodh Brisela Kadia.

Ndërkohe jashtë ambienteve të këtij universiteti qindra protestues u përplasën me policinë në përpjekje për të ndaluar ligjërimin e Këshillit Bashkiak të Shkodrës pasi sipas tyre është i jashtëligjshëm, dalë nga votimet njëpartiake të 30 qershorit.