Disa orë pas shoqërimit të të tij në polici, është lënë i lirë kryetari i FRPD në Shkodër, Arvit Bushati.
Bushati u ndalua menjëherë pas përfundimit të protestës së opozitës kundër konstituimit të këshillit bashkiak të këtij qyteti.
Në Shkodër sapo është mbyllur një tjetër protestë para Komisariatit të Policisë nga ku kërkohej lirimi nga qelitë e paraburgimit të kryetarit të FRPD për këtë qark, Arvit Bushatit.
Protestuesit pjesë e të cilëve ishte edhe ish-deputeti, Bardh Spahia, kërkuan lirimin e Bushatit.
Kujtojmë se menjëherë pas përfundimit të tubimit të mbështetsëve të opozitës kundër konstituimit të këshillit bashkiak të Shkodrës, policia ka nisur edhe shoqërimet e para të protestuesve.
Ahtu siç e kemi raportuar edhe më herët, është shoqëruar nga policia Arvit Bushati, kryetari i FRPD-së në Shkodër. Faxëeb.al ka siguruar pamjet e këtij shoqërimi si dhe rezistencën e tij por edhe të protestuesve të tjerë si dhe të ish-deputetit Bardh Spahia, i cili në momentin e shoqërimit ka kërkuar nga uniformat blu kërkesën për arrestimin e Bushatit.
“Ku e ke kërkesën, zbatoni ligjin dhe mos prek njeri me dorë”– dëgjohet të thotë ish-deputeti Bardh Spahia, teksa po konfrontohet me një oficer civil policie, për të cilin shprehet se nuk ka asnjë shenjë dalluese.
