Është riaktivizuar sërish zjarri i cili ra para një jave në zonën e njohur si Surroj në qarkun e Kukësit
Sipas informacioneve të ardhura nga gazetari i Fax News, Ermal Hallaçi, zjarri është i përmasave të mëdha në vendin e quajtur Grykët e Ftohta.
Lidhur me ngjarjen kanë reaguar edhe instancat përkatëse shtetërore, ku menjëherë ka shkuar zjarrëfikësja, Shërbimet Pyjore dhe Ushtria, por terreni është i vështirë për t’u ndërhyrë.
Përveç të gjithave, mësohet se vatrat e zjarrit dhe përhapja e tyre është e favorizuara edhe nga era që fryen në zonë.
Një zjarr me përmasa nisi mesditën e së martës ndërsa ka vijuar deri në orët e para të së mërkurës edhe në fshatin Komat, bashkia Finiq. Zjarri dyshohet të ketë qenë i qëllimshëm. Policia ka nisur hetimet. Nga inventari i bërë sot nga zyrtarë të bashkisë mësohet se është përfshirë nga zjarri një sipërfaqe prej 150 ha kullotë, nga të cilat 55 ha shkurre, 20 ha e privatit, pjesa tjeter ullishte dhe pemëtore.
Nga zjarri u shkrumbuan 2665 rrënjë ullinj, ku 2495 rrënjë ullinj shekullorë, të tjerët të rinj. 125 rrënjë pemë frutore, si dhe 130 rrënjë pjergull. Në zjarrin në Komat u rrezikuan edhe dy banesa, madje në njerën prej tyre u arrit të shpëtohej jeta e Vasil Culi 87 vjec, i cili në momentin e zjarrit ishte në gjumë. – Mendoja se binte shi, u ka thënë ai zjarrfikësve kur u futën në banesën e tij. Në shuarjen e këtij zjarri me përmasa në fshatin Komat morën pjesë 3 mjete zjarrfikëse të bashkisë Finiq, 14 vetë personel si dhe gjithë punonjësit e bashkisë.
(F.GJ/FAXWEB.AL)
Discussion about this post