Zjarri në Amazonë ka alarmuar gjithë botën duke i vënë të gjithë në lëvizje për të ndihuar në shuarjen e saj. Amazona konsiderohet si “mushkria” e botës dhe shkatërrimi i saj do sillte pasoja të rënda në ndryshimet klimaterike.
Udhëheqësit ndërkombëtar që u mblodhën në samitin e G7 (Shtetet e Bashkuara, Britania, Kanadaja, Franca, Gjermania, Italia dhe Japonia) thuhet se janë afër një marrëveshjeje për të ndihmuar në shuarjen e zjarrit në Amazonë.
Presidenti Francez Emmanuel Macron deklaroi se ndihma teknike për pyjet që janë përfshirë prej disa ditësh nga flakët është shumë pranë.
Biznesmenë dhe aktorë të ndryshëm kanë kontribuar shuma të ndryshme në fikjen e zjarrit. Aktori i njohur Leonardo DiCaprio ka depozituar 5 milionë dollarë, ndërkohë që Kryeministri i Mbretërisë së Bashkuar Boris Johnson tha se Britania do të sigurojë 10 milionë £ për të mbrojtur zonën e Amazonës.
