Deputetja demokrate, Rudina Hajdari, ka dalë publikisht hapur në mbrotje të ministres së Drejtësisë Etilda Gjonaj, e cila është vënë ditët e fundit në shënjestër të akuzave, pasi ka paguar faturat e hotelit për pushime 700 euro nata.
Lidhur me këtë, deputetja Hajdari në një postim në “Twitter” shkruan se nuk është normale të sulmohet një grua politikane mbi baza të rëndomta, që nuk kanë lidhje me profesionin e saj.
Sipas saj njerëz që kurdisin gjëra kaq banale nuk e kanë as tagrin të bëjnë moral.
“Ndonëse @GjonajEtilda është pjesë e mazhorancës, nuk më duket normale të sulmohet një grua politikane mbi baza të rëndomta, që nuk kanë lidhje me profesionin e saj. Njerëz që kurdisin gjëra kaq banale nuk e kanë as tagrin të bëjnë moral, thjesht gjejnë alibi për të hedhur baltë”, shkruan Hajdari.
Discussion about this post