Në orët e vona të mbrëmjes së kaluar u ekzekutua në mënyrë mafioze në makinë e tij teksa ishte në lëvizje, ish-oficeri I policisë, Sntiago Malko, 26-vjeç.
Burime bëjnë më dije se në vendin e ngjarjes janë gjetur mbi 10 gëzhoja. Ndëkohë që policia ka shoqëruar edhe 10 persona që mund të kenë lidhje me ngjarjen.
Burime nga policia thonë se për ekzekutimin e Malkos, janë përdorur dy automjete, të llojit Mercedes Benz, një prej tyre është gjetur e djegur në fshatin Ferraj të Tiranës, pranë zonës së Shish Tufinës.
Pamjet e mëposhtme i përkasin pikërisht mjetit në fjalë.
Grupi hetimor ka ngritur pistat e para të hetimit dhe ka shpallur deri më tani si të dyshuar personin D. A., i cili rezulton me precedentë penalë në fushën e narkotikëve dhe armëmbajtjes pa leje.
Ndërkohë, brenda mejtit tip “Mercedes” i cili u gjet i djegur në fshatin Ferraj, është gjetur edhe një armë, e cila dyshohet se është përdorur nga autorët për vrasjen e të riut.
Santiago Malko, ish-punonjës policie u vra brenda mjetit të tij tip BMWX5, mbrëmjen e 27 Gushtit 2019 rreth orës 22:20. Bëhet e ditur se 26-vjeçari ka qenë në lëvizje me mjetin e tij, teksa është qëlluar me kallashnikov, e më pas ka humbur kontrollin e mjetit duke u përplasur me një mur anës rrugës.
Paraprakisht, thuhet se ai ka njohje me një grup kriminal në Tiranë, ndërsa në vitin 2016 është përfshirë në një konflikt me dy vëllezër.
(F.GJ/FAXWEB.AL)
Discussion about this post