Zjarri shkrumbon ‘mushkërinë’ e Delvinës, banorët: Bashkia në gjumë, jemi në panik (VIDEO)

Një zjarr me përmasa të pallogaritshme, vijon që prej ditës së djeshme në Delvinë.

Vatra e zjarrit gjendet në afërsi të puseve të naftës. Sipas punonjësve të zjarrfikëses së Delvinës, aktualisht po digjen pyjet të cilat ata i quajnë “mushkëria e Delvinës (pjesa e Llakopinës edhe e Sirakatit).

Nisur nga rrezikshmëria që ka marrë përmasa dhe ndihma në mjete zjarrfikëse dhe e qytëtarëvë të dy bashkive Delvinë dhe Finiq, kryetari i Bashkisë së Finiqit Kristaq Kico është lidhur me Konsullatën greke në Gjirokastër për të kontribuar ajo për mjete për shuarjen e zjarrit nga ajri. Në shuarjen e zjarrit, marrin pjesë 4 mjete zjarrëfikese por era po favorizon zjarrin, njoftojnë autoritetet.

Por nga ana tjetër, pavarësisht pamjeve të tmerrshme të zjarrit masiv që po shkrumbon një pjesë mjaft të konsiderueshme të një sipërfaqeje pyjore, Bashkia e Delvinës “po fle gjumë” sipas tyre.

Ata vijojnë më tej se asnjë punonjës nuk ka qenë në gadishmëri ndërsa shprehen se ndjehen në panik.

“Gjthë zjarrëfikëset janë përqëndruar në pjesën e tokës ku është një kushëri i kryetares. Gjithë Delvina u dogj, zjarrëvikëset ruajnë ullishtet e kushëririt të kryetares”, tha një qytetar për Fax News.

(F.GJ/FAXWEB.AL)