Në videon e mëposhtme të siguruar nga Faxweb.al, shihet se si dhe ku hidhen inertet e mbetura nga rrënojat e resortit “Panorma” në Himarë, më pronar Mihal Kokëdhimën i cili u bë i njohur përmes sjelljes së tij brutale me disa turistë spanjollë.
Resorti i tij u shemb nga IKMT pasi u konstatua se ishte pa leje dhe që kishte uzurpuar përveç truallit të godinës ku ngrihej resorti, edhe një sipërfaqe të plazhit, por e gjithë paligjshmëria u konstatua apo u bë sikur u konstatua nga shteti pas skandalit me turistët e huaj.
Ndërkohë pamjet e mëposhtme tregojnë edhe zhvendosjen e inerteve ku sipas një qytetari i cili ka denoncuar për Faxweb.al, po hidhen vetëm 1 km larg plazhit nga firma “Gjikuria shpk”.
Por jo vetëm kaq, pasi sipas qytetarit, inertet po hidhen në lumin e fshatit Qeparo duke shaktuar kështu edhe një dëm mjedisor.
(F.GJ/FAXWEB.AL)
Discussion about this post