Të paktën 12 persona kanë humbur jetën dhe 50 të tjerë janë plagosur nga një shpërthim I fuqishëm në një fabrikë kimikatesh në Shirpur të Indisë.
Pamjet janë filmuar nga qytetarë të ndryshëm të cilat kanë marrë një përhapje masive, ndërkohë në momentin e shpërthimit në fabrikë ndodheshin 100 punëtorë. Disa njerëz raportohen se kanë mbetur të bllokuar brenda ndërtesës.
Ngjarja ka ndodhur mëngjesin e ditës së sotme ndërsa videot nga vendi i ngjarjes tregojnë zjarrin që del nga fabrika dhe tymin e madh që mbulon vendin.
Një oficer policie tha për Reuters se një fuçi me 200 litra kimikate shpërtheu duke shkaktuar që zjarri të përhapej në fabrikë.
Shpërthimet ishin aq të fuqishme saqë u dëgjuan 5 km larg.
Zjarri u shua shpejt, ndërsa zjarrfikësit nxituan të shpëtonin ata që kishin mbetur ende të bllokuar brenda ndërtesës.
(F.GJ/FAXWEB.AL)
