Emrat/ Djali vret me sëpatë në kokë të atin, arratiset nga vendngjarja

Një krim i rëndë brenda familjes ka ndodhur para pak minutash në fshatin Shalës në Memeliaj.

Djali ka vravë babain e tij pas një sherri të ndodhur mes tyre, për motive që ende nuk dihen.

Viktima është Iljaz Shahaj 77-vjeç, ndërsa djali që është dhe autor i ngjarjes është identifikuar si Arjan Shahaj, 35-vjeç, me probleme të shëndetit mendor.

Mësohet se pas konfliktit që kanë pasur me njëri-tjetrin, djali ka marrë sëpatën dhe ka qëlluar mbi babanë e tij, ndërsa është larguar nga vendi i ngjarjes. Policia është vënë në ndjekje të tij, por nuk ka mundur ende që ta arrestojë.

Kanë qenë fqinjët ata që kanë lajmëruar fillimisht kryeplakun e fshatit dhe më pas ka mbërritur dhe policia në vendngjarje.

Njoftimi i policisë: 

Në fshatin Shalës, Bashkia Memaliaj, shtetasi A.Sh. 35 vjeç (me probleme të shëndetit mendor) ka goditur me mjete të forta babain e tij, shtetasin I. Sh., 77 vjeç, duke i shkaktuar vdekjen.

Drejtoria Vendore e Policisë Gjirokastër ka ngritur disa grupe kontrolli dhe po behet krehja e zonës për gjetjen dhe kapjen e autorit.

Në vendngjarje ka shkuar grupi hetimor dhe po punon për zbardhjen e plotë të ngjarjes.

/Faxweb.al