Këto janë pamjet e mbërritjes së Arjan Shahajt në drejtorinë e Policisë së Gjirokastër, pasi u arrestua nga ana e policisë. Arratisja e tij pas vrasjes së të atit zgjati pak më shumë se tre orë, pasi policia arriti që ta arrestonte atë në afërsi të fshatit Levan.
35-vjeçari është kapur teksa ishte duke hipur në një furgon për tu larguar. Mësohet se Arjan Shehaj ka bërë rezistencë në momentin që e kanë ndalur forcat e policisë, të cilat i ka kundërshtuar me dhunë.
Ngjarja e rëndë, ndodhi ditën e sotme rreth orës 11:00 pas një sherri verbal mes 35-vjeçarit, Arjan Shahaj dhe babait të tij, Iljaz Shahaj brenda banesës. Më pasi i riu ka marrë sëpatën dhe ka goditur me sëpatë 77-vjeçarin duke e lënë të vdekur në vend.
Raportohet se 35-vjeçari është me probleme mendore. Ai ka tentuar të vrasë nënën e tij në vitin 2013 dhe një kushëri disa muaj më parë.
(E.K/Faxweb.al)
Discussion about this post