Sapo është shënuar aksidenti i tretë përgjatë pasditës së sotme në Elbasan, ku para pak minutash në fshatin Qukës, aksi Elbasan-Librazhd një makinë në të cilën udhëtonin 4 sportistë të klobit të Sopotit është aksidentuar.
Burime për Faxweb.al bëjnë me dije se emrat e sportistëve janë:
Ermir Lojku
Klajdi Hoxha
Funel Kushta
Orgest Tocka.
Të aksidentuarit sapo kanë mbërritur në Spitalin e Librazhdit për të marrë ndihmë mjekësore ndërkohë policia ka shkuar në vendngjarje për të mësuar rreth shkaqeve dhe rrethanave të aksidentit.
Pasditën e sotme një tjetër aksident ka ndodhur në aksin Elbasan Librazhd ku një makinë ka dalë nga rruga duke përfunduar pothuajse në oborrin e një banese private.
Si pasojë e aksidentit, burime bëjnë me dije se janë plagosur 2 persona ndërsa momentalisht nuk dihet si paraqitet gjendja e tyre shëndetësore.
Reshjet e shiut kanë sjellë edhe problemin e parë në qarkullim pasi një mjet tip Audi bëhet me dije se teksa ka qenë duke lëvizur në drejtim të Librazhdit, në aksin nacional Elbasan- Librazhd ka përfunduar në kanal.
Mjeti ka dalë nga rruga konkretisht pranë urës së Lizës, ndërkohë që drejtuesi i mjetit mbeti i bllokuar për disa minuta në mjet. Por fatmirësisht ai është arritur të nxirret dhe mësohet se nuk ka pësuar lëndime të mëdha.
(F.GJ/FAXWEB.AL)
Discussion about this post