Presidenti i vendit Ilir Meta ka reaguar pas nisjes së punës së Komisionit Hetimor për shkarkimin e tij.
Meta thotë se kjo është një propagandë për të shmangur vëmendjen nga kriza institucionale në vend, dhe e vetmja zgjidhje për të dalë nga kjo situatë është mbajtja e zgjedhjeve të lira.
Duket se presidenti në këtë mënyrë do ti thojë jo ftesës për të dalë para Komisionit Hetimor në datën 6 Shtator.
Pavarësisht se cili do të jetë vendimi i dhënë nga Komisioni Hetimor për shkarkimin e Metës, deri në ngritjen e Gjykatës Kushtetuese ai do të qëndrojë në detyrë.
Postimi i Metës:
Propaganda anti-President nuk ndihmon sundimin e ligjit që është kusht për çeljen e negociatave në 18 tetor nga Bashkimi Europian për vendin tonë.
Spostimi i vëmendjes për momentin nga detyrimi për respektimin e dekretit në fuqi të 13 tetorit për zgjedhje gjithëpërfshirëse vendore nuk ndihmon për zgjidhjen e krizës, por ndihmon përshkallëzimin e saj.
Kriteret e Kopenhagenit nuk janë shfuqizuar ende nga BE, ndaj respektimi i tyre është i pashmangshëm nëse ka mbetur sadopak vullnet politik për çeljen e negociatave ne 18 tetor. Zgjedhjet janë e vetmja zgjidhje!
”Koka” e Presidentit në dorë të Venecias, kur përfundojnë hetimet për Metën
(E.K/Faxweb.al)
Discussion about this post