Prokuroria pushon hetimet për Emiljano Shullazin

Çështja “Vollga”, Prokuroria e Tiranës ka pushuar hetimet në lidhje me Emiljano Shullazin.

Hetimet janë mbyllur edhe për bizesmenin Ylvi Beqja dhe tre gjyqtarë të tjerë.

Mësohet se Prokuroria ka shkuar drejt mbylljes së hetimeve, pasi nuk është provuar akuza për pastrimin e parave.

Kujtojmë se biznesmeni Ylvi Beqja e akuzonte Shullazin se i kishte marrë pronësinë e hotelit Vollga përmes shantazheve dhe kërcënimeve, akuza këto që u mohuan nga pala tjetër.

Beqja, i kishte premtuar Shullazit 20 përqind të ish-Vollgës Shullazit nëse e ndihmonte në regjistrimin e kësaj prone.

Biznesmeni është i njëjti që e denoncoi Shullazin më vonë për “gjobëvënie” dhe pasi u bë “bashkëpunëtor i drejtësisë” dëshmoi kundër tij në gjykatë.

Bashkë me Shullazin e Beqjen, në hetimin e nisur në vitin 2018, prokuroria ka verifikuar edhe veprimet e tre gjyqtarëve të Gjykatës së Durrësit Vladimir Skënderi, Dhurata Billo e Ndue Gjura, si edhe të ish-kryesekretares e ish-kancelares së gjykatës.

(E.K/Faxweb.al)