Presidenti i vendit Ilir Meta i është përgjigjur interesit të gazetarëve nëse do të jetë pjesë e Komisionit Hetimor që është ngritur nga Kuvendi për shkarkimin e tij.
Presidenti thotë se pyetja është absurde, pasi atij personalisht i takon të jetë shembull i bashkëpunimit mes institucioneve.
Mes rreshtave Meta ka dhënë dhe një mesazh tejet interesant, siç është ai se mezor pret të rikthehet në Kuvend, duke nënkuptuar se koha e tij në politikën aktive ende nuk ka përfunduar.
“Të dashur miqtë e mi gazetarë,
Më “çmendët” me sms tuaja, si asnjëherë tjetër!
Po ç’është kjo pyetje kaq absurde që më bëni të gjithë: A do shkoj tek Parlamenti?!
Së pari, Presidentit si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për vendosur këtë bashkëpunim, në respekt të plotë të Kushtetutës, shtetit ligjor dhe interesit publik.
Së dyti, unë mezi pres të kthehem tek Parlamenti”, shkruan Meta.
Data e mbërritjes së Metës në Komisionin Hetimor ende nuk është caktuar, po seanca me pyetje përgjigje pritet të zhvillohet maksimumi fillimin e javës së ardhshme.
”Koka” e Presidentit në dorë të Venecias, kur përfundojnë hetimet për Metën
(E.K/Faxweb.al)
Discussion about this post