Një plagosje më armë zjarri ka ndodhur mbrëmjen e djeshme në Korçë. Policia bën të ditur se është shpallur në kërkim të shtetasit J.H, 28 vjeç, dyshohet të ketë plagosur me armë zjarri, shtetasin I.H, 48 vjeç, banues në Korçë, i cili aktualisht ndodhet në Spitalin e Korçës jashtë rrezikut për jetën.
Burime për Fax ëeb raportojnë se ngjarja ka ndodhur pas një konflikti të çastit. Autori dhe i plagosur kanë qenë në një lokal. Ka qenë një konflikt i çastit, i cili ka degraduar deri në përdorimin e armës së zjarrit.
Autori pasi ka debatuar më të plagosurin është larguar për të marrë armën dhe ë pas ka shkuar dhe ka qëlluar drejt tij, duke e plagosur me plumb në shpatull.
Më pas autori është larguar me një mjet në drejtim të paditur. Kanë qenë dëshmitarët ato të cilët kanë dhënë ndihmën e parë dhe kanë bërë të mundur identifikimin e autorit nga policia. Autori është me precedent të mëparshëm penal.
Njoftimi i policisë
Policia zbardh ngjarjen e ndodhur mbrëmjen e djeshme, ku për motive të dobëta u plagos me armë zjarri një 48-vjeçar.
Identifikohet dhe shpallet në kërkim autori i dyshuar i ngjarjes.
Specialistët për Hetimin e Krimeve në Komisariatin e Policisë Korçë, në bashkëpunim me Seksionin për Krimet e Rënda në DVP-Korçë, falë veprimeve të shpejta hetimore bënë të mundur, identifikimin dhe shpalljen në kërkim të shtetasit J.H, 28 vjeç.
Ky shtetas mbrëmjen e djeshme, në lagjen nr.6, dyshohet të ketë plagosur me armë zjarri, për motive të dobëta, shtetasin I.H, 48 vjeç, banues në Korçë, i cili aktualisht ndodhet në Spitalin e Korçës jashtë rrezikut për jetën.
Grupi Hetimor nën drejtimin e Prokurorisë së Rrethit Gjyqësor Korçë, po vijon punën për zbardhjen e plotë të rrethaneve të ngjarjes.
Ndërkohë shërbimet e Policisë, po vijojnë kontrollet për të bërë të mundur kapjen e autorit të dyshuar J.H.
(M.Q/Faxweb.al)
Discussion about this post