Vajza e Eneda Tarifës dhe Erjon Zaloshnjës tashmë është rritur dhe është bërë një zonjushë e vërtetë. Aria sot ka nisur shkollën dhe kjo ditë e veçantë nuk mund të kalonte pa një dedikim nga Erjoni.
Ai ka publikuar një foto në rrjetet sociale ku i uron Arias më të mirën duke e quajtur në fakt këtë fillim në rrugën e mundimshme të jetës. “Kjo është Aria Zaloshnja dhe sot filloi rrugën e mundimshme të jetës”, shkruan Erjoni.
Aria është vajza e tij e vetme që ka nga martesa me këngëtaren e njohur, Eneda Tarifa, me të cilën u nda pak kohë më parë pas një lidhje shumëvjeçare.
Pavarësisht ndarjes dy artistët kanë arritur që të kenë një marrëdhënie të mirë mes tyre, veçanërisht kur bëhet fjalë për vajzën e tyre.
