73 kg drogë brenda bagazhit, në pranga drejtuesi i makinës

73 kilogramë marijuanë në kufirin greko-shqiptar janë kapur ditën e sotme. Operacioni është zhvilluar në Kefalovris në Janinë.

Mjeti është ndalur nga policia greka teksa po vinte nga kufiri i gjelbër. Brenda në bagazh të mjetit u gjeten dhe sekuestruan 47 pako me 73 kg 800 gram marijuanë.

U sekuestruan 2 celulare dhe 150 euro. Në pranga është venë drejtuesi i mjetit, një 43-vjeçar grek.