Ky është momenti kur një qytetar hyn në zyrën e nëndrejtorit të dorëhequr të kadastrës Klodian Troci, duke e akuzuar atë se i ka shitur shtëpinë në bashkëpunim me firmën.
Qytetari që e ka dërguar këtë video në “Ti Raporton”, në Top Channel i kërkon nëndrejtorit që të zbatojë vendimin, të cilin e ka prej kohësh në zyrë.
“Ky është një mashtrues, kam 4 vite që bredh dyerve të gjykatave”
Duke biseduar me tone të acaruara me zyrtarin e kadastrës, qytetari në video i bën thirrje Kryeministrit të shohë se çfarë po ndodh në Vlorë dhe të marrë masa.
“Edi Rama e shikon këtë oligark, më ka shitur pronën. Merr masa për këtë njeri”./TCH
