Mediat lokale bëjnë me dije së janë sekuestruar rreth një ton kanabis në Janinë e cila transportohej nga një shtetas shqiptar mëngjesin e ditës së sotme.
Ndalimi i tij është bërë nga policia greke ndërsa mësohet se konstatimi është bërë në kryqëzimin Eleousa në Janinë.
Sasia e madhe e drogës është gjetur e ngarkuar në një furgon, dhe rezulton të jetë e vjedhur.
Sipas infromacioneve paraprake mësohet se shoferi është një 30-vjeçar shqiptar emri i të cilit nuk është bërë i ditur.
Në bazë të përllogaritjeve paraprake, mendohet se nëse droga e ka origjinën nga Shqipëria, kjo do të konsistonte si ngarkesa më e madhe e kapur gjatë këtij viti.
(F.GJ/FAXWEB.AL)
Discussion about this post