Një tjetër stuhi po kërcënon Bahamasin vetëm dy javë pasi Uragani Dorian shkatërroi një pjesë të ishujve.
Sipas “BBC“, një tjetër stuhi tropikale e quajtur Humberto, aktualisht po lëviz drejt veri-perëndimit drejt ishullit të Madh Abaco, një nga ishujt e goditur më keq nga uragani Dorian.
Rreth 1.300 njerëz janë zhdukur në Bahamas pas uraganit, ndërsa rreth 15,000 të tjerë kanë nevojë për strehim, ushqim dhe kujdes mjekësor.
Stuhia pritet që të largohet nga veriperëndimi i Bahamasit më vonë gjatë ditës së shtunë dhe më pas të zhvendoset drejt brigjeve lindore të Floridës dhe në fillimin e javës së ardhshme të kalojë përmes Oqeanit Atlantik, njoftoi Qendra Kombëtare për Uragane e Shteteve të Bashkuara.
Stuhia Humberto ka erëra që mund të arrijnë deri në 65 kilometra në orë. Kjo stuhi pritet të shndërrohet në uragan të dielën, tha Qendra Kombëtare për Uragane e SHBA-së.
Ishujt Bahamas më herët gjatë këtij muaji u goditën nga uragani i kategorisë së pestë, Dorian.
Kryeministri i Bahamas, Hubert Minnis ka thënë se 50 persona kanë vdekur nga uragani Dorian, duke shtuar se ky numër pritet të rritet.
Discussion about this post