Brenda 24 orësh, riaktivizohet vatra e zjarrit në malin e Vashës

Një vatër zjarri është ribërë aktive mesditën e sotme në malin e Vashës në Labinot Mal të Elbasanit.

Pasi zjarrfikëset vunë nën kontroll vatrën e ndezur gjatë paradites, zjarri është rindezur sërish.

Sipas shefit të zjarrfikëses, Tajar Alla dy mjete janë nisur drejt malit.

Ndërhyrja konsiderohet e vështirë për shkak të terrenit kodrinor. Bëhet me dije se rreth 4 hektarë sipërfaqe është djegur ndërsa shkaqet mbeten ende të panjohura.

Kjo është vatra e dytë që bëhet aktive brenda 24 orëve.

(K.H/Faxweb.al)