Një çift në Britaninë e Madhe refuzojnë t’ia tregojnë gjininë e fëmijës së tyre 17 muajsh njerëzve të tyre më të afërt, pasi duan ta ruajnë atë nga paragjykimi gjinor i pandërgjegjshëm. Nëna Hobbit Humphrey, 38 vjeçe dhe babai Jake England-Johns, 35 vjeç, rrëfejnë se aktualisht janë duke e veshur fëmijën e tyre 17 muajsh edhe me rroba vajzash, edhe me rroba djemsh.
Madje ata u kanë kërkuar miqve dhe të afërmve që mos ti drejtohen vogëlushit duke përdporur përemra të gjinisë mashkullore apo femërore.
Njëri nga gjyshërit e bebit tha e kishin zbuluar gjininë e tij vetëm kur ishte 11 muajsh, teksa iu kishte qëlluar që t’i ndërronin pelenën.
Çifti u shfaq në BBC për të shpjeguar vendimin e tyre që për shumë njerëz tingëllon i çuditshëm. Sipas tyre kjo është e vetmja mënyrë që të mos lejojnë njerëzit ta trajtojnë fëmijën e tyre ndryshe, bazuar në gjininë që ka. Ata thanë se fëmija i tyre, që në program u quajt me emrin Charlie (jo emri i vërtetë), do të lejohet që të vendosë vetë në një moshë pak më të madh, gjininë që dëshiron.
Discussion about this post