Tahiri në pritje të vendimit të Gjykatës, zbulohet ku ndodhet kryeministri Rama

Gjykata e Krimeve të Rënda ka rinisur senacën për të dhënë vendimin ndaj ish ministrit të Brendshëm Saimir Tahiri.

E ndërkohë që ish ministri i besuar i Ramës dhe mjaft i afërt me të, po pret vendimin e Gjykatës, është zbuluar se ku ndodhet kreu i qeverisë.

Kryeministiri Rama ndodhet në Itali, Bari ku po merr pjesë në forumin “Ekonomia blu e Mesdheut” në kuadër të panairit Fiera del Levante.

Rama ka lajmëruar se: Pas pak ne ERTV – Kryeministri Edi Rama ne Itali, Bari, ne forumin “Ekonomia blu e Mesdheut” ne kuader te panairit Fiera del Levante.

Prej orës 9 të mëngjesit ish-ministri i Brendshëm është paraqitur në Gjykatën e Krimenve të Rënda, ndërkohë që nga momenti në moment pritet vendimi ndaj tij.

Saimir Tahiri si gjithmonë përcolli edhe në gjyqin e sotëm mesazhe të koduara, që shigjetonin Fatmir Xhafajn dhe Edi Ramën.

Të parin Tahiri zgjodhi që ta ngacmojë sadopak, kur u shpreh përpara gjykatës se kishte njerëz që nuk mbanin përgjegjësi për vëllezërit e tyre, dhe jo më ai vetë të mbante për kushërinjtë idiot që gjithsecilit prej nesh mund ti rastisnin në fisin e tyre.

‘’Kam 2 vjet që jam nën hetim, unë ministri i brendshëm akuzohem se kam trafikuar drogë. Ska asnjë provë. E vetmja provë është se i kam shitur makinën vëllait të Moisi dhe Florjan Habilaj, që nuk është i përfshirë në asnjë akuzë kriminale.

Edhe sikur të isha vëllai i Habilajve nuk kisha pse të jem fajtor se vëllezërit merren me drogë, sot ka njerëz që nuk mbajnë përgjegjësi për vëllezërit e tyre”, do të shprehej Tahiri në Gjykatë.

Ndërkohë Tahiri nuk e kurseu as shefin e tij të madh Edi Rama, takimin me të cilin e përdori si një alibi për tu shpëtuar përgjimeve që kanë dalë në dritë nga Prokuroria.

“As unë As Edi Rama nuk jemi shefat e krimit, Rama është shefi i madh në politikë. Na datën 23 Prill për të cilën akuzohem kam qenë në drekë në Dajt me Edi Ramën dhe qeverinë dhe jo me Habilajt. Ja ku janë titujt e gazetave që e kanë publikuar dhe në foto unë me Ramën.

Për mua është jeta ime në këtë proces, për ju është vetëm një proces. Më kanë vënë edhe bomba gjatë punës time. Iki në burg vetë nëse më vërtetohen akuzat”, do të shprehej më tej Tahiri, për të thënë se ai ka qenë një nga më të besuarit e Ramës, dhe gjithçka ka bërë ka qenë dhe në dijeninë e tij.

Mesazhet/ Tahiri kërkon të marrë me vete Xhafajn dhe Ramën?!/ Paralajmërimi për filmime “bombastike”

(M.Q/Faxweb.al)