Pa kaluar akoma ethet e tërmeteve të fuqishme që tronditën vendin, Tirana është pushtuar nga reshjet e dendura të shiut shoqëruar nga murmurima të forta dhe erë.
Reshjet fillimisht kanë nisur në Lezhë, Elbasan dhe qytete të tjera të vendit dhe së fundmi kanë mbërthyer edhe kryeqytetin.
Theksojmë se siç kemi raportuar edhe më herët, në Lezhë disa rrugë u bllukuar dhe makinat mbetën në ujë.
Edhe gjatë natës shirat do të mbeten prezent duke perfshirë gjithë vendin. Sipas MeteoAlb, temperaturat e ajrit janë ulur lehtë në të dy vlerat ditore duke u luhatur nga 8°C deri në 28°C mesdita.
Era do të fryjë e forte me shpejtësi mbi 60 km/h nga drejtimi Jugor duke krijuar në brigjet detare dallgëzim 6 ballë.
Ndërsa ditën e martë, 24 shtator, territori Shqiptar do të mbetet në kushte të paqëndrueshme atmosferike duke bërë që vranësirat e shpeshta dhe rrebeshet e shiut të jenë të pranishme në të gjithë territorin, më të dukshme në zonat veriore–qendrore. Temperaturat do të pësojnë ngritje të vlerave, me 2°C në mesditë.
Herë pas here pritet të ketë kthjellime. Mbrëmja sjell përmirësim gradual të kushteve të motit duke ri-kthyer kthjellimet ne vend. Era do të fryjë mesatare dhe e forte me shpejtësi mbi 40 km/h nga drejtimi Veriperendimor duke krijuar në brigjet detare dallgëzim 4 ballë.
(F.GJ/FAXWEB.AL)
Discussion about this post