Gjykata e Shkallës së Parë për Krimet e Rënda në Tiranë ka ndryshuar masën e sigurisë për ish-kampionin e mundjes, të pandehurin Elis Guri, duke e lënë të lirë.
Krimet e Rënda kanë caktuar masën e sigurisë “Detyrim për paraqitje në Policinë Gjyqësore” për Gurin, duke pranuar kështu kërkesën e tij për ndryshimin e masës “arrest shtëpie”.
Guri u arrestua për akuzën e Prodhimit dhe shitjes së lëndëve narkotike në kuadër të grupit kriminal. Në muajin korrik 2019 ai ka paraqitur një kërkesë pranë Gjykatës së Krimeve të Rënda, për ndryshimin e masës së së sigurisë nga “arrest në burg”.
Emri i Elis Gurit ndodhet mes listës emërore të 27 personave të arrestuar gjatë operacionit “VOL-VO 4”. I riu nga Shkodra është një emër i njohur në botën e sportit të mundjes ku ka kulmuar me një medalje bronzi në Kampionatin Evropian.
Operacioni “VOL-VO 4” u zhvillua në 12 qytete, nga Hasi deri në Sarandë, dhe janë goditur anëtarë nga 4 grupe të skeduara kriminale, në kuadër të operacionit “Forca e Ligjit”.
Ish-kampioni i mundjes akuzohet nga Prokuroria për Krime të Rënda për “Prodhimit dhe shitjes së narkotikëve”, si dhe ”Trafikim i narkotikëve”.
