Ka reaguar kryeministri Edi Rama pas lajmit se grupi më i madh politik CDU SCU i Gjermanisë, se për Shqipërinë nuk ka hapje të negociatave pa plotësuar 9 kushte kryesore dhe disa nënkushte të tjera.
Ndërsa kryeministri Rama ka reaguar menjëherë pas këtij lajmi, duke e kthyer gjithçka në favor të Shqipërisë dhe duke harruar kushtet që vijon të rriten.
Përmes një statusi në Twitter, Rama falenderon deputetët që votuan pro dhe kancelaren gjermane Angela Merkel për mbështetjen.
Ndërsa për ata që votuan kundër, Rama thotë se do t’i bindim në çdo hap me fakte se Shqipëria e meriton hapjen e negociatave.
“Faleminderit të gjithë deputetët e CDU/CSU që më në fund VOTUAN PRO HAPJES SË NEGOCIATAVE. Ata qē votuan KUNDËR do t’i bindim në çdo hap me FAKTE se SHQIPËRIA E MERITON hapjen e negociatave. FALEMINDERIT ANGELA për mbështetjen e pakursyer për SHQIPËRINË”, shkruan Rama.
Grupet Parlamentare të Koalicionit Qeverisës CDU-CSU dhe SPD në Bundestagun Gjerman vendosin sot se për Shqipërinë nuk ka hapje të negociatave pa plotësuar 9 kushte kryesore dhe disa nënkushte të tjera.
“Shqipëria është në një krizë të rëndë politike. Bundestagu gjerman u bën thirrje me ngulm të gjitha forcave demokratike në Shqipëri që të ndërmarrin menjëherë të gjitha hapat për të kapërcyer këtë krizë sa më shpejt përmes dialogut politik, përndryshe rruga për negociatat e anëtarësimit do të vështirësohet në mënyrë të konsiderueshme.”– thuhet në dokumentin e përbashkët të partive qeverisëse të Gjermanisë, CDU/CSU dhe të SPD.
Vendimi i grupeve parlamnetare të koalicionit qeverisës në Gjermani nuk ka një datë negociatash dhe kushtet për t’u plotësuar nga 7 kanë shkuar në 9. E reja e dy kushteve të Gjermanisë këtë vit është se ato lidhen drejtpërsëdrejti me problemet me zgjedhjet, përfshirë edhe ato të 30 Qershorit.
(K.H/Faxweb.al)
Discussion about this post