Dashamir Shehi thotë se kushtet që partitë e koalicionit më të madh në Gjermani CDU/CSU i kanë vendosur Shqipërisë për hapjen e negociatave, janë kushtet e opozitës për qeverinë.
I ftuar në studion e lajmeve në RTV Ora, Shehi u shpreh se drita jeshile për Shqipërinë edhe pse me kushte është një lajm i mirë.
“Është një lajmi mirë që mund të na vite edhe nga miqtë më të mirë që ka Shqipëria në Evropë. Në një farë mënyre u mbërrit ajo që opozita ka kërkuar. Jo vetëm që të jemi në Evropë, ta bëjmë këtë hap dhe ta heqim këtë pjesë të burokracisë. Siç edhe Basha shkoi në Bruksel dhe loboi për këtë punë. Siç edhe atmosfera para 18 tetorit është vetëfrenuese në një farë mënyre.
Ishte për tu mbërritur ky lloj rezultati, që nuk është përfundimtar sepse pritet të vendosin edhe vende të tjera. Ne si opozitë, por edhe të gjithë shqiptarëve na leverdis kjo lloj pune, është më e mira e mundshme për Shqipërinë dhe shqiptarët.
Sepse i kanë vënë kushte kësaj qeverie. Kushte që me thënë të drejtën janë kërkesat e opozitës. Ato që kemi kërkuar ne që nga çadra e parë zgjedhje të lira dhe të ndershme, të dënohen kriminelët dhe që i kemi shtuar së fundmi që të hetohet krimi zgjedhor dhe a janë të ligjshme zgjedhjet e 30 qershorit apo jo. Këto janë të gjitha në kushtet e Bundestagut gjerman”, tha Dashamir Shehi.
Discussion about this post