“Gjermania mbetet e gatshme të shoqërojë këtë proces duke ofruar mbështetjen e saj”, këto janë fjalët e ambasadorit gjerman në vendin tonë Michaël Zingraf lidhur me tryezën e sotme të partive politike të iniciuar nga OSBE për Reformën Zgjedhore.
Zingraf shprehet se ky është një hap i rëndësishëm i një dialogu gjithpërfshirës dhe bipartizan, për t’i dhënë reformës zgjedhore një shtysë të re.
“Unë përshëndes faktin, që përfaqësues të qeverisë, të opozitës parlamentare dhe asaj jashtëparlamentare, përfaqësues të shoqërisë civile dhe ekspertë ulen në një tavolinë dhe këshillohen për zbatimin e rekomandimeve të ODIHR-it”, shkruhet në reagimin e ambasadës gjermane.
“Tryeza e sotme e organizuar nga OSBE dhe Kuvendi i Shqipërisë është një hap i parë i rëndësishëm i një dialogu gjithpërfshirës dhe bipartizan, për t’i dhënë reformës zgjedhore një shtysë të re. Kjo tregon gatishmërinë, për të marrë përgjegjësi për të ardhmen e Shqipërisë. Përsa i përket ecurisë së mëtejshme të procesit të afrimit të Shqipërisë me BE-në, do të jetë thelbësore të zhvillohet një dialog me rezultate konkrete për kodin zgjedhor. Gjermania mbetet e gatshme të shoqërojë këtë proces duke ofruar mbështetjen e saj”.
(F.GJ/FAXWEB.AL)
Discussion about this post