“Të dënohemi unë dhe Basha”, Kryemadhi: Më mirë se sa të kemi një ’97 të dytë

Për kryetaren e Lëvizjes Socialiste për Integrim Monika Kryemadhin, do të ishte më mirë që të merrnin ndëshkimin për djegien e mandateve ajo dhe aleati i saj Lulzim Basha se sa të lejohet të përsëritet viti 1997 dhe ta pësojnë shqiptarët.

Teksa ka shprehur qëndrimin se SHBA nuk ka qenë dakort me vendimin unanim të opozitës për djegien e mandateve, numri dy i opozitës së bashkuar është shprehur se drejtuesit e koalicionit  do të vuajnë për këtë vendim.

“SHBA nuk është dakord me rrugën tonë. Kanë  qenë kundër djegies së mandateve, kundër bojkotit të gjitha sepse e qujanë çështje precedenti. SHBA bashkëpunon me çdo qeveri dhe SHBA do të vijojë marrëdhëniet me shqiptarët. Ne drejtuesit e partive do paguajmë për këtë vendim që kemi marrë, por për ne do ishte më mirë që të dënohem unë e Basha për djegien e mandatave, sesa të kemi një ‘97 të dytë të dënohen shqiptarët. Për ne është më mirë që të dënohemi ne sesa të kemi shqiptarë të vrarë dhe të vijojë kjo shpërngulje masive e shqipatrëve”, tha Kryemadhi në “Provokacia” të Mustafa Nanos.

Teksa argumenton se nuk është penduar aspak për djegien e mandateve, duke shtuar faktin që sipas saj, u vërtetua lidhja e Ramës me krimin, Kryemadhi thekson se perdja që ekzistonte në sytë e ndërkombëtarëve është hequr, ndërsa për kryeministrin thotë se nuk është budalla por kalkulator.

 “Jo, është hequr perdja që ishte krijuar në sytë e ndërkomëbatrëve. Shqiëpria ka shpërngulje masive, ekonomia është në minimunim e saj dhe nuk mund të ishim fasadë. Të gjithë ne thonim që Rama është i lidhur me krimin. Nëse do hynim në zgjedhjet lokale do finalizonim një proces zgjedhor do i jepnim ndonjë bashki të humbur. 30 qershori tregoi se Rama mund të zgjidhte 61 kryetarë bashkish më të mirët që ka Shqipëria intelektualë, profesorë. Në bazë të ligjit sikur vetëm 5 vota të merrnin pjesë shpallen fitues. Ky tregoi lidhjen e vet me krimin. Kush e ndalonte Ramën që të mos vinte Valdrin Pjetrin.

Rama nuk është budalla, por është kalkulator, Rama priste që ne të digjnim Shqipërinë e zyrat e bashkive, ky prapë i zgjodhi deri tani kanë dalë 3 ka edhe nja 14 të tjerë. Ky njeri nuk bën dot zgjedhje dhe nuk rri dot pa kontrolluar procesin zgjedhor. Zgjedhjet e ardhshme do jenë me reformë të re zgjedhore. Reforma zgjedhore do bazohet mbi raportin e 5 shtatorit të  2019”, tha më tej Monika Kryemadhi.

(F.GJ/FAXWEB.AL)