Presidenti Ilir Meta e ka nisur ditën e sotme me një “lajm të mirë”, duke publikuar në rrjetet sociale një foto e cila ngriti ‘dyshime’ për mesazhin e fshehur që po përpiqet të përcjellë presidenti.
Me anë të një fotojë në në ‘Facebook’ Meta shfaqet poshtë një shege ku shkruan; “Lajm i mirë është se të paktën shegët po piqen!”.
“Shegët po piqen”, kjo frazë e shkruar nga presidenti nxit idenë se po “piqen kushtet” se ndoshta ka ardhur koha që Meta ti rikthehet bujshëm jetës politike aktive, larg rolit formal të Presidentit të shtetit.
Ndoshta, aktualiteti i rrëmujshëm politik, zgjedhjet e 30 qeeshorit dhe raporti zyrtar që pritet i Venecias, do të “detyrojnë” presidentin që të hyjë sërish në “lojën” politike.
Pak ditë më parë, në një studio televizive, presidenti Meta pranoi publikisht se nëse Komisioni i Venecias do të konstatonte se presidenti ka shkelur Kushtetutën, do të japë mënjhërë dorëheqjen.
“Nëse Venecia thotë që Ilir Meta ka shkelur Kushtetutën, patjetër që do ta jap dorëheqjen. Unë kam dhënë dorëheqjen kur kam qenë kryeministër për një gjë që nuk kishte lidhje fare me mua.”- deklaroi Meta.
Pavarësisht se dje deklaroi se do të qendrojë në detyrë deri në vitin 2022, ‘mesazhet e fshehura’ të presidentit ngrenë dyshime se po përgatit terren për një rikthim të bujshëm në politike.
Kujtojmë se pak kohë më parë Meta deklaroi se me “22 nëntor nëntor do të bëj publike nismën time në mbrojtje të Kushtetutës në mbrojtje të të drejtave themelore të qytetarëve shqiptar dhe kjo do të jetë një nismë mjaft e mirëmenduar dhe e mirorganizuar në mënyrë që të mos tolerojmë më në këtë vend, shkeljen dhe dhunimin sistematik të të drejtave kushtetuese të qytetarëve tanë”.
Discussion about this post