Këngëtarja e dashur për publikun shqiptar, Rosela Gjylbegu ka qenë sot ndër të ftuarat speciale të programit të së dielës në ekranin e ‘Top Channel’.
E vënë përballë pyetjeve të sikletshme nga Ervin Kurti dhe Fjoralba Ponari, Rosela ka rrëfyer se është larguar përkohësisht nga muzika për shkak të angazhimeve të shumta të punës në administratë. Megjithatë përveç projekteve në televizion, ku artistja theksoi se ka dashur të sjellë art, nuk mundi të shmangë pyetjet për jetën private. Përballë Ervinit ajo pohoi se nuk ka ditë që mamaja nuk ia kërkon dhëndrin në shtëpi, megjithatë ajo shtoi se të gjithë do marrin vesh diçka rreth kësaj pjese kur të vijë momenti dhe koha e duhur.
Pas intervistes Gjylbegu interpretoi dhe disa këngë të Shqipërisë së veriut, duke ngritur në këmbë publikun e ‘E diell’.
Discussion about this post