Tentuan të vidhnin marketin në Fier, në pranga 3 femra nga Tirana

Tre shtetase janë arrestuar nga policia në Fier, pasi tentuan të vidhnin një minimarket në Fier.

Shtetaset me iniciale: A.M, 28 vjeçe, A.B, 41 vjeçe dhe Z.S, 55 vjeçe, të treja banuese në Tiranë, kanë hyrë si kliente në një minimarket në lagjen “Kryengritja e Fierit” dhe kanë vjedhur 9 steka me paketa cigaresh të markave të ndryshme.

Pas njoftimit nga pronari i minimarketit, në ndjekje të tyre shkoi patrulla e policisë e cila i kapi në tentativë për t’u larguar me automjetin e tyre.

Njoftimi zyrtar:

Tentuan të vidhinin në një minimarket në Fier, në pranga 3 shtetase nga Tirana.

Specialistët për Hetimin e Krimeve në Komisariatin e Policisë Fier, bënë arrestimin në flagrancë të shtetaseve:

•A.M, 28 vjeçe
•A.B, 41 vjeçe
•Z.S, 55 vjeçe, të treja banuese në Tiranë.

Arrestimi i këtyre shtetaseve u bë pasi kanë hyë si kliente në një minimarket në lagjen “Kryengritja e Fierit” dhe kanë vjedhur 9 steka me paketa cigaresh të markave të ndryshme.

Pas njoftimit nga pronari i minimarketit, në ndjekje të tyre shkoi patrulla e policisë e cila i kapi në tentativë për t’u larguar me automjetin e tyre.

Në cilësinë e provës materiele u sekuestruan stekat e paketave dhe automjeti me të cilin tentuan të largoheshin.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje e kryer në bashkëpunim”.

(K.H/Faxweb.al)