Vrasja në Mirditë, identifikohet viktima (Emri)

Të shtënat me armë zjarri i kanë marrë jetën një 34-vjeçari në fshatin Zall Xhuxhë të Mirditës ku sipas burimeve të Faxweb.al, ai quhet Eri Zefi dhe është banues në Kurbin.

Ngjarja ka ndodhur pak minuta më parë dhe ende nuk dihet ndërkohë emri i autorit të ngjarjes si dhe rreth shkaqeve dhe rrethanave në të cilat ka ndodhur, por mësohet se trupi i viktimës është gjetur nga banorët e zonës në një kanal kullues.

Mësohet gjithashtu se policia dhe grupi hetimor kanë mbërritur në vendin e ngjarjes, ndërsa zona është blinduar nga forca të shumta të uniformave blu.

Mirditë /Informacion paraprak

Në fshatin Zall Xhuxhë në Fan – Mirditë, në rrethana ende të paqarta është vrarë me armë zjarri shtetasi E.Z. 34 vjeç, banues në Kurbin.

Grupi hetimor në vendngjarje vazhdon hetimet për zbardhjen e plotë të rrethanave të ngjarjes.

Nga forcat policore të Komisariatit të Policisë Mirditë në mbështetje edhe nga forcat policore të Drejtorisë, po bëhet krehja e zones me qëllim kapjen e autorit.

(F.GJ/FAXWEB.AL)