Një sasi rekord ari është gjetur në shtëpinë e një ish-zyrtari kinez.
Pothuajse 13.5 ton ar janë sekuestruar në bodrumin e shtëpisë së një ish-kryebashkiaku të Kinës.
58-vjeçari Zhang Qi, i dyshuar për korrupsion, do të përballet me ligjin për veprën penale të krimeve ekonomike.
Nëse shpallet fajtor, anëtari i Partisë Komuniste të Kinës do të dënohet me vdekje.
Fotot dhe videot e publikuara nga mediat e huaja tregojnë pirgun e madh të shufrave të arit të gjetura në katin e nëndheshëm të shtëpisë.
Sipas përllogatitjeve, vlera e tyre shkon në rreth 520 milionë Paund. Përveç sasisë rekord të arit, atij iu sekuestruan edhe 30 miliardë Paund të cilat dyshohet se i ka përfituar përmes ryshfetit.
Dyshohet se 58-vjeçari mund të zotërojë edhe pasuri të patundshme, si vila luksoze. Sipas revistës Forbes, njeriu më i pasur në Kinë është Jack Ma me një pasuri 30 miliardë Paund.
Nëse ish-kryebashkiaku kinez rezulton që nuk është përfshirë në korrupsion, atëherë do të ishte ai njeriu më i pasur në Kinë.
Goditja e korrupsionit në Kinë është një praktikë e re e Presidentit të vendit Xi Jinping.
Më shumë se 10 mijë persona në Kinë janë akuzuar për korrupsion që prej vitit 2012 kur ai mori detyrën.
Megjithatë, zërat kritikë pretendojnë se akuzat për korrupsion janë një fushatë për spastrimin politik të kundërshtarëve të Jinping.
Discussion about this post